Беше прикажано само најавно видео, заедно со кратко соопштение за медиумите, а повеќе детали се очекуваат во април.
Јапонскиот "Nintendo" ја претстави својата најнова конзола – "Switch 2". Уредот беше претставен во краток видеоклип на "YouTube", без многу помпа.
"Nintendo Switch 2" е конзола која многумина со нетрпение ја очекуваат, а повеќе детали за уредот ќе бидат откриени на 2-ри април. Се очекува "Switch 2" да се појави во продажба во 2025 година.
"Switch 2" е хибрид на стационарна и пренослива рачна конзола, а во споредба со оригиналниот модел има поголем екран и придружни "Joy-Con" контролери кои можат да се прикачат на уредот со помош на магнети.
Видео презентацијата покажа неколку фрејмови од играта "Mario Kart", а се верува дека "Mario Kart 9" ќе биде објавена во исто време со конзолата.
"Nintendo Switch 2" ќе биде компатибилен со постари "Switch" игри, при што некои игри имаат ограничена поддршка или воопшто не се поддржани.
Како што може да се види на видеото, новата конзола е речиси целосно црна, што значи дека "Nintendo" одлучил да не имплементира повеќе комбинации на бои. Сепак, повеќе официјални детали се очекуваат во април.
