Документарниот филм „Diddy: The Making of a Bad Boy“ ќе има премиера на стриминг платформата во вторник, 14 јануари.
Новиот документарец вклучува интервју со една од жртвите на Шон „Диди“ Комбс, која во тужба го обвини дека ја силувал користејќи далечински управувач.
Една од интервјуираните во документарецот е жена идентификувана само како Ешли, чиј лик не се појавува на камерата. Таа го обвинува Комбс дека ја нападнал во 2018 година, откако тој пристигнал со неколку луѓе во станот на маж што таа го познавала во Оукленд.
Во документарецот, Ешли, која повремено зборува низ солзи, вели дека по нападот станала повлечена и изгубила доверба во луѓето.
„Станав неверојатно повлечена“, изјавува таа. „Не му верувам на никого.“
Во тужбата, поднесена од обвинителката Пархам, се наведува дека таа не била „импресионирана“ од Комбс, верувајќи дека тој има врска со убиството на раперот Тупак Шакур. Според наводите, Комбс на тоа одговорил дека ќе „плати“ за забелешката.
Пархам тврди дека била во станот на пријателот кога Комбс пристигнал заедно со неколку лица, меѓу кои и Кристина Корам, шефица на неговиот кабинет. Во тужбата стои дека Комбс ѝ се заканувал со нож и ја силувал со далечински управувач. Дополнително, се наведува дека Корам ја заплашувала обвинителката, велејќи дека може да биде испратена било каде низ светот и дека никогаш повеќе нема да го види своето семејство.
Во документарецот, Пархам и нејзиниот адвокат изнесуваат повеќе детали за настаните што, според нив, му претходеле на нападот. Адвокатката Ариел Мичел-Кид изјавува дека дознала дека мажот со кој била Пархам всушност бил „разузнавач“ за Комбс.
