[ВИДЕО] Српскиот УФЦ борач нокаутиран за само 30 секунди: Го доживеа најтешкиот пораз во кариерата

Имено, 31-годишниот Медиќ беше нокаутиран за само 31 секунда од хавајскиот борач Пунахеле Сориано.

Неверојатниот борач од Хаваи ја реши борбата со брза комбинација на левица и десница, со што го собори Медиќ на подот.

Потоа го нападна и го принуди судијата да ја прекине борбата, па така Медиќ го доживеа третиот пораз во кариерата, во која сега има скор од 10-3.

Медиќ има четири победи и три порази во УФЦ, а ова е негов најбрз пораз и прв со нокаут откако во првите два беше принуден да се предаде.

Борбата на вечерта на УФЦ беше онаа меѓу Мекензи Дерн и Аманда Рибас во која Американката ја победи Бразилката на средина од третата рунда и ја принуди на тапкање.

Инаку, синоќешниот помал настан беше увертира на првиот УФЦ спектакл за 2025 година, кој треба да се одржи следниот викенд во Лос Анџелес, иако одржувањето на настанот сè уште е под знак прашалник поради катастрофалните пожари.