По речиси една година пауза, Касаи ќе се врати во натпреварувањето, откако обезбеди место на националниот натпревар во Сапоро, кој се одржа на Олимписката скијачка скокалница Окурајама.
Јапонскиот ветеран во ски-скокови Нориаки Касаи (52) со победата во домашното првенство избори место во националниот тим за натпреварувањето во Светскиот куп во Сапоро, Јапонија.
Натпреварот во Сапоро е закажан за 15 и 16 февруари, а тоа ќе биде прво појавување на Касаи на највисоко ниво на натпреварување по речиси една година пауза. Касаи го обезбеди своето место во тимот со победата на националниот натпревар минатиот викенд во Сапоро, кој се одржа на Олимписката скокалница во Окурајама. Неуништливиот Касаи е редовен во Гинисовата книга на рекорди – таму има вкупно шест записи, а тој е најстариот поединец и екипен олимписки медалист во историјата на ски скоковите – имаше 41 година во Сочи, кога освои сребро во поединечна и бронза во екипна конкуренција.
Тој е најстариот екипен медалист на Светските првенства (42 години и 261 ден), најстариот победник на натпревар од Светско првенство (42 години и 176 дена), најстариот натпреварувач на подиумот на Светските првенства (44 години и 293 дена) и најстариот учесник и победник на натпреварување на Светскиот куп. Касаи имаше 51 година и 255 дена кога заврши на 28-то место во минатогодишното финале на сезоната на 3 март во Планица, неговиот последен настап. До Игрите во 2022 година во Пекинг, каде во тоа време не се натпреваруваше, тој беше единствениот спортист кој учествуваше на осум Зимски олимписки игри, а во главниот град на Кина неговиот рекорд го израмни германската лизгачка Клаудија Пехштајн.
Според јапонските медиуми, Касаи сè уште не се откажал од својот сон да се натпреварува на Олимпијадата во 2026 година.
