Украинскиот претседател Володимир Зеленски денеска изјави дека армијата на земјата заробила двајца севернокорејски војници во областа Курск во Русија.
Како што јави Ројтерс, Зеленски рече дека заробените севернокорејски војници комуницираат со Службата за безбедност на Украина.
„Како и на сите воени заробеници, така и на овие двајца севернокорејски војници им е пружена потребната медицинска помош“, напиша Зеленски во објавата на платформата Х.
„Ова не беше лесна задача: руските сили и другиот севернокорејски воен персонал рутински ги егзекутираат своите ранети за да ги избришат сите докази за вмешаноста на Северна Кореја во војната против Украина“, додаде тој.
Our soldiers have captured North Korean military personnel in the Kursk region. Two soldiers, though wounded, survived and were transported to Kyiv, where they are now communicating with the Security Service of Ukraine.
— Volodymyr Zelenskyy / Володимир Зеленський (@ZelenskyyUa) January 11, 2025
This was not an easy task: Russian forces and other North… pic.twitter.com/5J0hqbarP6
Во декември минатата година, Зеленски рече дека повеќе од 3.000 севернокорејски војници биле убиени или ранети во борбите против украинските сили во руската област Курск.
Според Украина и САД, Пјонгјанг испратил илјадници војници во Русија за да ја засили руската армија во нејзината војна со Украина, а некои од нив биле распоредени во Курск, каде што украинските трупи ненадејно извршиле инвазија во август и зазеле дел од територијата.
