Бројот на загинати во разорните пожари што беснеат низ Лос Анџелес денеска се искачи на десет, а пожарот уништи речиси 10.000 згради и не покажува знаци на стивнување.
Пожарот во близина на населбата Пацифик Палисадес, кој се наоѓа меѓу Санта Моника и Малибу на северозападниот дел на градот, речиси стана најразорниот пожар во американската историја, откако се прошири на повеќе од 13,7 илјади хектари и изгоре цели населби.
view of Los Angels from a plane
— Science girl (@gunsnrosesgirl3) January 9, 2025
pic.twitter.com/DtsKvbJcZO
Бројот на загинати во пожарите се искачи на десет, објавија градските власти доцна во четвртокот по локално време, без да дадат детали за околностите на смртта.
Шерифот на округот Лос Анџелес Роберт Луна претходно изјави дека за жал очекува тој број да расте. „Изгледа како да паднала атомска бомба во тие области. Не очекувам добри вести и се плашиме од овие бројки“.
Приватната метеоролошка организација AccuWeather ја проценува досегашната штета од пожарите меѓу 135 и 150 милијарди долари.
