Иако "Apple" редовно обезбедува софтверски ажурирања за своите "iPhone" телефони, проблемот со алармот трае веќе пет години и предизвикува фрустрација кај корисниците. Многумина неодамна се пожалија на "Reddit" дека дури и најновото ажурирање, "iOS 18.2.1", не го реши проблемот со нефункционалниот аларм. Проблемите се манифестираат со:

- Алармот воопшто не ѕвони.

- Алармот се вклучува во погрешно време.

- Алармот доцни неколку часа.

Овие грешки често предизвикуваат одложување на работата, часовите или важни настани, што предизвика огромни поплаки од корисниците.

Еден корисник на "Reddit" сподели дека пропуштил важен испит поради неговиот аларм и на крајот се префрлил на физички будилник. Други се обиделе да ги исклучат функциите како детекција на поглед или режим на спиење, но безуспешно. Покрај проблемите со оваа апликација, корисниците известуваат и дека вградената апликација "Reminder" не работи правилно, што укажува на поголем проблем во "iOS" системот.

Реакцијата и препораките на "Apple"

"Apple" минатата година призна дека има проблем со алармите на одредени модели и изрази намера да го поправи. Но, сегашната ситуација покажува дека проблемот не е целосно решен.

На корисниците им се советува да користат физички часовници со аларм или да се потпрат на уредите со "Android" додека "Apple" не најде трајно решение за да избегне одложувања и промашувања поради неисправни аларми, пишува "The Verge".