Аманда Рибас, борец на УФЦ, која се натпреварува во категоријата до 52,2 килограми, покажа како може да ја искористи тежината на противникот за речиси да го онесвести.
Таа отиде во Сао Паоло за да биде еден од коментаторите на настан на УФЦ, а потоа во меѓувреме организираше спаринг сесија со познатиот бодибилдер и инфлуенсер Хулио Балестрина.
Тоа не би било толку чудно ако тој не беше двојно потежок од неа. Тој е висок 191 сантиметар и тежок 113 килограми, а таа е и 16 години помлада од него. Мора да се признае, многу често борците се многу потешки за време на кампот отколку подоцна во самиот настан. Значи разликата беше речиси двојна.
Amanda Ribas vs bodybuilder pic.twitter.com/omMrkphkn4 https://t.co/CWAG56zuXh
— Dovy🔌 (@DovySimuMMA) October 14, 2024
Рибас го праша дали знае нешто за боречките зафати. Тој се обиде да ја собори, а таа одлично се снајде и влезе во доминантна позиција.
Балестрин за малку ќе ја изгубел свеста, тешко дишел и поминал неколку секунди на подот, а кога станал сфатил дека дури добил и модринка покрај окото.
„Кога си толку силен и се обидуваш да се бориш, твојата тежина прави разлика … Тој падна на лице и доби модринка под окото. Но, тој е навистина силен. Тоа беше чиста борба за опстанок. Ако решеше да ме фати, ќе беше готово. Затоа веднаш реагирав“, изјави Рибас.
