На интернет има толку многу совети за нега на лицето, а меѓу нив се издвојува една домашна маска за лице, која може да биде особено корисна за време на празниците бидејќи брзо го враќа сјајот на кожата и ја прави мазна. Тоа е маска за пилинг од овесна каша.
Оваа хранлива житарка ја сакаат оние кои се грижат за тоа што јадат, како и дерматолозите бидејќи има бројни позитивни ефекти врз кожата. Што се однесува до негата на лицето, овесната каша содржи авенантрамиди, антиоксидантни и антиинфламаторни соединенија кои го смируваат чешањето, сувата и иритирана кожа.
Но, тоа не е сè. Овесната каша е подеднакво одлична за кожа склона кон акни, мрсна кожа и затнати пори, а истовремено делува и како нежен пилинг и ги отстранува мртвите клетки од површината.
Домашната маска од овесна каша лесно се прави, па не е лоша идејата да ја пробате.
Маска за лице од овес за сите типови кожа
Освен овесната каша, оваа маска вклучува и јаболка кои се богати со антиоксиданси и содржат АХА-киселина која ги отстранува мртвите клетки од кожата. Водата од ружа има антиинфламаторни својства, ги смирува иритациите и е добра за чувствителна кожа.
Состојки:
• 2 супени лажици овесна каша;
• 1 лажица мед;
• 2 лажици пире од ½ јаболко;
• неколку капки вода од ружа;
Подготовка:
Јаболкото излупете го, исечете го и извадете ги семките, па половина сомелете го во блендер. Измешајте две лажици пире од јаболка, една лажица мед и две лажици овесни снегулки заедно со неколку капки вода од ружа.
Нанесете ја смесата на лицето и оставете да делува 10-15 минути, а потоа измијте ја со млака вода.
