По филмовите „28 дена подоцна“ и „28 недели подоцна“, годинава беше најавен и трет дел, кој се случува 28 години по избивањето на зомби апокалипсата. Според трејлерот, се чини дека преживеаните успеале да основаат свои комуни со строги правила за да се заштитат од зомбите. Во филмот ќе ги следиме жителите на една од оние комуни кои живеат на островот, но бидејќи храната е ограничена, тие од време на време се принудени да одат на лов во опасните области полни со заразени луѓе.

„Ова го чекав цел живот“

Трејлерот одлично ја опишува тензичната атмосфера и не открива многу детали од заплетот, кој ги израдува фановите.

„Ова е еден од најдобрите трејлери што сум ги гледал оваа година“, „Најдобар трејлер во овој жанр досега, се чувствувам вознемирено“, „Кој го направи трејлерот завршил одлична работа“, „Едвај чекам 28 века подоцна, ќе биде одлично“, „Цел живот го чекам овој филм“, се само дел од ентузијастичките коментари под објавениот трејлер.

Дали е тоа Килијан Марфи?

Во оригиналното дело од 2002 година, како релативно непознат актер во тоа време, Килијан Марфи ја играше улогата на курир кој се буди од кома во пост-апокалиптична Велика Британија, опустошена од вирус кој жртвите ги претвора во зомби. Оскаровецот на „Опенхајмер“ се врати како извршен продуцент на „28 години подоцна“, но тоа не е сè.

Во трејлерот, се забележува еден брз кадар, во кој зомбито личи на Килијан. Барем фановите мислат дека тоа е тој.

Иако не е потврдено дека актерот за потребите на ова продолжение навистина го променил својот изглед до непрепознатливост, многумина тврдат дека тоа е неговото впечатливо лице. Ова ги воодушеви фановите бидејќи не очекуваа Марфи да се појави во филмот.