Средбата со стар пријател од времето кога тренирал во тениската академија на Никола Пилиќ го потсети на неговите почетоци.

За време на еден настан, му пристапил пилот кој побарал фотографија со него. Потоа, пилотот го прашал Ѓоковиќ дали го препознава, но кога тенисерот останал збунет, пилотот извадил фотографија на својот телефон. На неа се гледаа двајцата – многу помлади, направена пред 25 години.

Враќање во минатото

Фотографијата потекнувала од 1999 година, кога Новак, тогаш 12-годишен, и пилотот, кој бил две години постар, заедно тренирале во академијата на Пилиќ во Германија. Оваа академија беше клучна во создавањето на многу талентирани тенисери.

„Го запознав пилотот... Излезе дека заедно игравме тенис како деца. Нема да верувате каква фотографија ми покажа,“ напиша Новак на Инстаграм, споделувајќи го деталот од нивниот заеднички тренинг: „Не сме нималку променети! Луда случајност, мило ми е што се видовме повторно!“

Академијата на Никола Пилиќ

Во 1999 година, набргу по НАТО агресијата на СР Југославија, Ѓоковиќ замина во Минхен за да тренира под водство на Никола Пилиќ. Тој веднаш го препозна талентот на младиот Новак.

„Тој беше со нас четири и пол години. Мојата сопруга рече: 'Никола, овој мал Ѓоковиќ кога зборува за тенис, звучи како ти,'“ сподели Пилиќ во интервју.

Споменувајќи ја поддршката од таткото на Новак, Срѓан Ѓоковиќ, Пилиќ изјави дека од самиот почеток имале верба дека Новак ќе игра врвен тенис, иако не можеле да предвидат дека ќе стане број еден.

Лични релации

„Новак беше речиси како наш син,“ изјави Пилиќ. „Тој никогаш ништо не забораваше и посветено работеше. Тој е доказ дека упорноста и поддршката се клуч за успехот.“

Средбата во Доха беше уште еден потсетник за тоа како минатото создава врски кои траат цел живот.