"Microsoft" во својот годишен извештај за дигитална одбрана објави дека корисниците се соочуваат со неверојатни 600 милиони сајбер напади дневно поради растечките геополитички тензии во светот.
Извештајот ги опфаќа трендовите од јули 2023 до јули 2024 година, а "Microsoft" укажува на алармантен пораст на сајбер нападите. Оваа година, клучно откритие беше дека образовните и истражувачките институции станаа вториот најтаргетиран сектор од страна на државните закани, додека ИТ секторот останува на првото место.
Овие институции, кои обезбедуваат информации за истражување и политика, често служат како тест пред да нападнат вистински цели, покажуваат истражувањата. Според "Microsoft", руските, иранските и кинеските актери ги интензивирале сајбер операциите поврзани со активни конфликти.
Во споредба со претходната година, "Microsoft" забележа 2,75 пати зголемување на нападите со откупни софтвери, но процентот на организации кои завршија со „уцена“ (достигнувајќи до фазата на шифрирање на податоците) се зголеми за повеќе од три пати во текот на изминатите две години.
Според "Microsoft", напаѓачите сè уште користат предвидливо човечко однесување, како што се лозинки кои лесно се запомнуваат, нивна повторна употреба на повеќе локации и станување жртва на фишинг напади.
Сајбер измамата во финансискиот сектор е во пораст на глобално ниво, при што нападите со лозинка сочинуваат 99 отсто од сите напади врз идентитетот, покажуваат податоците.
Една загрижувачка форма на измама е "tećscam", која ги мами корисниците со прикажување легитимни услуги или лажна техничка поддршка и реклами. Мајкрософт нагласува дека ублажувањето на сајбер заканите бара тесна соработка меѓу јавниот и приватниот сектор.
Владите мора да воведат значителни казни за злонамерни активности за да спречат напади бидејќи сегашните меѓународни стандарди во сајбер-просторот не се ефикасно спроведени, што резултира со продолжување на агресивните активности спонзорирани од државата, пренесува Танјуг.
