Лесото

Лесото е држава во јужна Африка без излез на море која се наоѓа на над 1.400 метри надморска височина. Со други зборови, целата територија на Лесото се наоѓа на поголема надморска височина од највисоките планини во многу земји, вклучувајќи ги Велика Британија, Ирска, Холандија, Данска и други, пренесува „IFLScience“.

Неговата единствена географија е производ на сложената историја на регионот. Лесото е држава - енклава целосно окружен со Јужноафриканската Република.

На почетокот од 19 век, народот Зулу, под водство на нивниот водач Шака Зулу, основал постојана војска и започнал кампања на воена експанзија. Периодот на конфликтот стана познат како „The Mfecane“, или „гмечење“, обележан со големо крвопролевање и раселување на луѓето.

Помеѓу оние кои избегаа од насилството беше и кланот предводен од кралот Мошошу I, кој побара засолниште во планините. Тука тој изградил кралство кое поради географските карактеристики било полесно да се одбрани од напаѓачите.

Порано познат како Басутоленд, Лесото стана држава под британска колонијална власт преку договорот потпишан со Мошошу во 1843 година.

Лесото бил присоединет кон тогашната колонија Кејп во 1871 година, но вратен под директна контрола на кралското семејство во 1884 година. Како дел од повоените напори за деколонизација на Африка, земјата се здоби со независност во 1966 година и тоа како Кралство Лесото, со кралот Мошошо II. како суверен владетел.

Инаку и неколку други нации без излез на море се познати по нивните планински предели, особено Бутан и Непал на Хималаите, меѓутоа најниските точки во овие области се под 1.000 метри. На пример, највисоката точка на Непал е врвот Монт Еверест на 8.848 метри надморска височина, но најниската точка е на само 60 метри надморска височина во рамнините Тараи во Џапа, недалеку од границата со Индија.