Челси одигра извонреден натпревар против Лестер на „Кинг Пауер“ и славеше со 1:2, но гостите можеа да имаат и многу покомотно водство од она што го имаа во завршницата.
Всушност, Лестер успеа да постигне почесен гол од белата точка длабоко во судиското продолжение, а Челси дефинитивно требаше да има повеќе од два гола позитива до таа фаза од натпреварот.
Најдобар доказ за тоа е и нестварната ситуација која ја режираа Нони Мадуеке и Кол Палмер, откако првиот успеа да му блокира чист гол на својот соиграч.
Madueke stops Palmer from scoringpic.twitter.com/OpnwFVOuyv
— Total Football (@TotalFootbol) November 23, 2024
Мадуеке се најде на погрешно место во погрешно време и спречи чист гол на Палмер, па додека двајцата го проследија тоа со насмевка, Мареска се фаќаше за глава и не можеше да поверува што гледа.
Во продолжение, Енцо Фернандес погоди за 0:2 и практично го реши победникот на натпреварот, па бизарната ситуација која ја режираа Нони и Кол немаше негативно влијание врз „сините“.
