По трите пропуштени меча, Никола Јокиќ се врати на паркетот со пораз во дербито со Далас, но рано утрово, Нагетси им се вратија на победите предводени од својот лидер во тимот.
Српскиот маестро има нереални бројки во НБА лигата од стартот на сезоната и повторно е главен фаворит за МВП признанието, но рано утрово, имаше обид да го постигне најлудиот кош во историјата на американската кошарка.
Jokić somehow almost got this to go 😮 pic.twitter.com/5INHUGe5IE
— NBA (@NBA) November 24, 2024
Јокиќ е познат по својата кошаркарска интелигенција која прави да се издвојува од конкуренцијата, па сега против Лејкерси смисли начин како да испрати шут на три стотинки пред крајот.
Србинот со одбојкарски потег само ја исфрли топката која му ја додаде соиграчот, а иако шутот беше претежок, малку фалеше да заврши на вистинско место.
НБА лигата го одбележа овој откачен потег на Јокиќ, додека фановите жалат што Никола навистина не ја погоди целта и што не ја погоди најлудата тројка во историјата.
