Флорентино Перез денеска го одржа долго очекуваното излагање пред делегатите на клупското собрание на Реал Мадрид, а во истото зборувал на сите теми кои беа актуелни и поврзани со шпанскиот клуб изминатиот период.
Една од најинтересните теми секако беше одлуката на Реал да го откаже патувањето на својата делегација на доделувањето на „Златната топка“ во Париз, одлука која беше донесена откако стана јасно дека наградата нема да му припадне на Винисиус.
Перез денеска му честитал на Родри за признанието, но смета дека годинава „Златната топка“ требало да заврши кај фудбалер на Реал.
– Прво и основно, Родри е одличен фудбалер, тој е од Мадрид и го има нашето почитување.
– Тој сигурно заслужува „Златна топка“, но требаше да ја освои минатата година. Според мене, оваа година признанието требаше да му припадне на фудбалер на Реал Мадрид, – рекол Перез.
