Пресудата ги натера неговите многубројни непријатели и ривали, со кои со години има препирки на социјалните мрежи, да го навредуваат, исмејуваат или едноставно да ја коментираат пресудата, а Џејк Пол дури и го испровоцира на одговор, кој веднаш беше окарактеризиран како хомофобичен говор на омраза.

Неинформиран коментар и хомофобичен одговор

Дана Вајт ја удира сопругата, Конор е осуден за силување, но јас сум негативецот“, напиша Пол, не разбирајќи ја разликата помеѓу граѓанска парница и кривичен суд. Конор веднаш му одговори со нималку суптилен одговор: „Не, ти си мал геј бубалица“, по што веднаш беше обвинет за хомофобија.

Англискиот Мирор го пренесува и одговорот на Пол: „Кога ќе наречеш некого геј и мислиш дека си му покажал, само покажува колку кокаинот ти го спржил мозокот. Поздрав до сите бубалици“. Во меѓувреме објавата со овие расправии во коментарите беше избришана.

Мек Грегор најави жалба

Мек Грегор всушност не е осуден, тој само изгуби граѓанска парница против жена која тврдеше дека тој и неговиот пријател Џејмс Лоренс ја силувале во хотелска соба во декември 2018 година. Конор тврдеше дека и двајцата имале сексуален однос со неа, но одделно и со нејзина согласност, а од друга страна Лоренс не беше прогласен за виновен.

Мекгрегор, кој пресудата ја ислуша во судницата во друштво на семејството, вклучувајќи ја и неговата партнерка Ди Девлин, изрази незадоволство од пресудата и најави жалба.