„Meta“ најави голем број подобрувања на апликацијата „Facebook Messenger“.
Messenger конечно доби HD видео повици, како и потиснување на шумот во позадина и гласовна изолација со цел да овозможи појасни и поквалитетни повици. Meta вети дека квалитетот на повиците на „Messenger“ ќе направи да се чувствува како личноста со која корисникот разговара да е во иста просторија.
HD ќе биде стандардно овозможено за повици остварени преку „Wi-Fi“, додека ќе може рачно да се вклучи за повици направени со мобилни податоци. Во поставките за повици може да се активираат потиснувањето на шум во заднина и изолација на звук.
Друга практична можност е да оставите аудио или видео порака на корисникот кој не одговорил на повикот. Само допрете го копчето „record message“ за пропуштени повици.
„Messenger“ наскоро ќе добие и позадини со вештачка интелигенција за видео повици, што ќе „додаде малку возбуда на повикот“. За да креирате позадина, треба да ја допрете иконата за ефекти во страничната лента за време на видео повик.
