Експлозии го потресоа главниот град на Украина Киев и другите градови, додека соседна Полска ги активираше своите воздухопловни сили рано во неделата, откако двете земји соопштија дека е во тек моќен руски ракетен напад.
„Поради масовниот напад на Руската Федерација со крстосувачки ракети, балистички ракети и беспилотни летала на објекти лоцирани, меѓу другото, во западна Украина, полските и сојузничките авиони почнаа да оперираат во нашиот воздушен простор“, соопшти оперативната воена команда на Полска.
Соопштено е дека „се активирани сите расположливи сили и средства со кои располага, подигнати се дежурните борбени авиони, а на највисоко ниво на готовност се копнените ПВО и системите за радарско извидување“.
Руски ракетен напад ја гаѓаше енергетската инфраструктура низ Украина, принудувајќи превентивно намалување на снабдувањето, објави во неделата министерот за енергетика Герман Галушченко.
„Во тек е уште еден масовен напад врз електроенергетскиот систем“, рече Галушченко на апликацијата за пораки Телеграм.
Woke up to massive explosions. Russia just launched its largest missile attack on Ukraine since August—over 50 missiles so far. Energy system is under attack, explosions everywhere. Clearly, this is Russia’s way of showing how committed they are to peace talks pic.twitter.com/fb9fcX79Ui
— Maria Avdeeva (@maria_avdv) November 17, 2024
Експлозии се слушнале во југоисточниот украински град Запорожје и црноморското пристаниште Одеса, изјавија очевидци за „Ројтерс“, а украинските воздухопловни сили издадоа предупредување за воздушен напад низ целата земја.
Воздухопловните сили ги повикаа жителите да се евакуираат и соопштија дека голем број проектили, вклучително и разни видови крстаречки ракети, летаат низ украинскиот воздушен простор.
Украинските власти соопштија дека ја прекинале струјата во голем број региони, вклучувајќи го и Киев, како мерка на претпазливост.
Ракетниот напад уследи по ноќен напад со дрон врз главниот град на Украина.
Покривот на станбена зграда се запалил поради паѓање шут, а најмалку едно лице е повредено, објавија градските власти на апликацијата за пораки Телеграм.
„Итна помош е испратена на местото на настанот“, изјави градоначалникот на Киев, Виталиј Кличко.
Украина со недели е во состојба на готовност, стравувајќи од голем руски ракетен напад на почетокот на зимата.
Претходните напади беа насочени кон електричната мрежа и предизвикаа широки прекини на електричната енергија.
