[ФОТО/ВИДЕО] Облека на Мадона се продавала „како алва“: Имало парчиња и по 500 денари

Десетици предмети беа донирани во хуманитарната продавница „Children’s Air Ambulance charity shop“ во Салфорд по еднонеделните проби на Мадона во „АО Арена“ во Манчестер минатата година, пренесува „Јаху“.

Меѓу артиклите на продажба беа жолто-црно карирано мини здолниште кое танчерката го носеше за време на почетокот на концертот (се продаваше за 11 фунти), како и тексас елек што го носеше Мадона кога ја изведе „Don’ t tell me“ (18 евра).

Другите поволни цени вклучуваа розово туту здолниште за 24 евра и избор на панталони од американскиот бренд „Tripp“ за 30 евра, кои обично се продаваат за околу 95 евра. Избор на маици имаше и за само девет евра или околу 500 денари.

Пред распродажбата, хуманитарната продавница објави на Фејсбук: „Дали сте материјална девојка или едноставно сакате да позирате? Тука сме за вас. Донирани ни се неколку неверојатни парчиња од генералната проба од турнејата на Мадона ‘Celebration’ во АО Арената“.

Големата турнеја на Мадона започна минатиот октомври во лондонската О2 арена. Турнејата „Celebration“ заврши на 4 мај во Бразил, по рекордниот концерт на плажата Копакабана во Рио де Жанеиро со 1,6 милиони посетители.