Светски познатиот доктор по киропрактика, Ерик Берг и автор на неколку бестселери, кој е специјализиран и во областа на здравата исхрана со акцент на кето диетата, неодамна на својот „YouTube“ канал откри едноставен трик за регулирање на нивото на шеќер во крвта.
Имено, д-р Берг препорачал дневно консумирање на две лажици јаболков оцет!
Јаболковиот оцет е евтин и лесно достапен пијалак кој може да се купи во секоја самопослуга, а овој експерт за здрава храна тврди дека лесно може да ви помогне да го намалите нивото на шеќер во крвта. Секако, дополнително е неопходно да се одржува здрава тежина, да се имаат редовни, квалитетни оброци и да се практикува некој вид физичка активност.
Ако веќе не сте го сториле тоа, треба да размислите за додавање јаболков оцет во вашата исхрана. Постојат работи кои можат позитивно да влијаат на нивото на шеќер во крвта, а го надминуваат ефектот надминуваат кето диетата и периодичното постење, а јаболковиот оцет е еден од оние работи“, објаснува Берг.
„Оцетната киселина во јаболковиот оцет има многу моќен антигликемиски ефект, дури и ако не сте на кето диета. Тоа ќе помогне да се намали гликемискиот индекс на храната што ја јадете. Ова помага да се стабилизираат шеќерот во крвта и инсулинот.“ додал тој.
Д-р Берг препорачува да се користи само органски јаболков оцет, а дал и некои упатства за тоа како и во кое време од денот треба да се консумира.
„Ако шеќерот во крвта ви е висок наутро, иако претходниот ден не сте консумирале многу јаглехидрати, ова е познато како феномен на зората. Ако го имате овој проблем, обидете се да земете две лажици јаболков оцет измешани во 250 до 350 милилитри вода од 21 до 23 часот“, вели тој.
Тој нагласува дека е добро решение да се зема непосредно пред оброк, а посочува дека е неопходно да се разреди во чаша вода и дека не е препорачливо да се зема самостојно. Јаболковиот оцет е многу кисел, па можете да го пиете преку сламка за да избегнете изложување на забите на киселина.
