Камбаните на северната камбанарија на катедралата Нотр Дам во Париз, која беше опустошена од пожар пред пет години, за првпат од тогаш заѕвонија денеска.
Оваа нова етапа во реставрацијата на една од најголемите катедрали на Западот, ставена на листата на светско наследство на УНЕСКО, се одржа речиси еден месец пред нејзиното повторно отворање за јавноста, објави "France 24".
Осумте ѕвона на северната камбанарија на катедралата Нотр Дам во Париз, која се подготвува за повторно отворање на 7 декември, одекнаа денеска.
„Тоа е убав, важен, симболичен чекор“, рече Филип Јост, раководител на институцијата одговорна за реставрација на катедралата, кој исто така присуствуваше на „премиерата“.
Тој нагласи дека за прв пат по пожарот во април 2019 година, сите ѕвона заѕвониле заедно.
За време на пожарот на 15 април 2019 година, се запали дел од северната камбанарија на катедралата, која мораше да се санира.
За да се направи ова, осумте ѕвона сместени во оваа кула биле внимателно отстранети, исчистени од оловна прашина и обновени пред да се вратат во првобитната состојба. Обновените ѕвона беа вратени во катедралата кон средината на септември.
