Нема повредени во пожарот кој доцна синоќа во 1 часот и 45 минути по полноќ избувна во хангарот на „Македонски железници“ на булеварот Трета македонска бригада, објави МВР.
Од тука велат дека во хангарот имало неисправни вагони и локомотиви.
По два часа, пожарот бил локализиран од екипа на Бригата за противпожарна заштита Скопје.
Утрово во 9 часот во полицијата било пријавено дека пожарот повторно се активирал, а во текот на денот бил изгаснат.
Причините за пожарот допрва ќе се утврдуваат.
