Никола Јокиќ е оставен сам на сабе на стартот на сезоната и принуден е само да го води Денвер, а рано утрово испорача трет трипл-дабл на воведните седум меча во НБА лигата, на кои двапати испорача и над 40 поени.
Србинот игра како вистински суперстар и е најзаслужен што Денвер има позитивен скор 4:3 по седум одиграни натпревари, а две од тие четири победи пристигнаа во дуелите со Торонто.
Во еден дежа-ви натпревар од оној кој се одигра во Канада минатата недела, двата тима повторно беа многу блиску до продолжение, но во големата драма, повеќе нерви имаа домаќините.
Нагетси славеа со 121:119 и се израдуваа на нова тесна победа над Рапторси, кои дефинитивно одново имаат за што да жалат во дуелот со шампионот од 2023-та година.
Јокиќ беше играч број еден на паркетот со 28 поени, 14 скокови и 13 асистенции, а конечно дочека помош и од Вестбрук кој го заврши мечот со 21 поен, 6 скокови и исто толку асистенции.
НБА резултати:
Кливленд – Милвоки 116:114
Вашингтон – Голден Стејт 112:125
Детроит – ЛА Лејкерс 115:103
Атланта – Бостон 93:123
Бруклин – Мемфис 106:104
Мајами – Сакраменто 110:111
Чикаго – Јута 126:135
Хјустон – Њујорк 109:97
Минесота – Шарлот 114:93
Оклахома – Орландо 102:86
Њу Орлеанс – Портланд 100:118
Далас – Индијана 127:134
Денвер – Торонто 121:119
Феникс – Филаделфија 118:116
ЛА Клиперс – Сан Антонио 113:104
