"Ford" потврди дека ќе го прекине производството на својот целосно електричен пикап "F-150 Lightning".
Ова ќе трае од 15 ноември 2024 година до 6 јануари 2025 година, а фабриката за камионети во Мичиген ќе биде неактивна, што го вклучува и традиционалниот еднонеделен одмор.
"Lightning", некогаш најпродаваниот електричен пикап на пазарот, имаше бурна година. Во јануари, "Ford" ги откри плановите да го намали производството на половина и да распредели повеќе ресурси за склопување на "Bronco" и "Ranger", пред да ја намали работната сила во фабриката за околу две третини во март.
„Продолжуваме да го приспособуваме производството за оптимална комбинација на раст на продажбата и профитабилност“, рекоа од "Ford" во изјавата за "Automotive News".
Ова е втор пат "Ford" да го паузира производството на моделот "F-150 Lightning". Фабриката беше затворена во февруари на девет недели откако откри проблем со квалитетот, а производството повторно започна во април.
И покрај тој неуспех, "Ford" успеа да продаде 22.807 модели на "Lightning" оваа година, што е зголемување од 86% во однос на претходната година.
Последната пауза во производството доаѓа во време на пад на побарувачката за електрични возила во индустријата.
