„Тоа е фантастично. Тие продаваат 10.000, 20.000 возила месечно. Тие се распродаваат за шест месеци“, рече Фарли.
Во разговор со Роберт Левелин, водител на поткастот "Fully Charged", извршниот директор на "Ford", Џим Фарли, призна дека неговиот службен автомобил моментално е електричниот седан "SU7" на "Xiaomi", првиот автомобил од компанијата позната по паметните телефони.
„Не сакам да зборувам за конкуренцијата, но возам "Xiaomi"“, му призна Фарли на Левелин, објаснувајќи дека иако ова возило не се продава надвор од Кина, "Ford" го испратил во САД на проверка, пренесува "HAK Revija".
„Тоа е фантастично. Тие продаваат 10.000, 20.000 возила месечно. Тие се распродаваат за шест месеци“, рече Фарли.
Извршниот директор на "Ford" не кажа која верзија на "SU7" ја возел, но почетниот модел со погон на задните тркала има 300 коњски сили и батерија од 73,6 kWh која обезбедува автономија од 700 километри. "SU7 Pro" од средната класа има поголема батерија која го зголемува досегот на 830 километри, а "SU7 Max" со погон на сите тркала и два мотори има 673 коњски сили, забрзува до 100 km/h за само 2,8 секунди и поминува 800 километри на едно полнење.
