Градот Мелиља е шпанска енклава којашто се протега на околу 12 километри квадратни долж брегот на Средоземното море, а потполно е окружена од Мароко.
И покрај тоа што се наоѓа на африканскиот континент, градот е дел од Европската унија, а заедно со Сеута тоа се единствените две територии на ЕУ во Африка.
Денес Мелиља има автономен статус, а во него можат да се забележат влијанија на различни култури, од старите Феничанци преку Византијците до Визиготите. Има преубав историски центар – Мелиља Ла Веља, којшто е окружен со величествени ѕидини но и бројни неверојатно убави плажи. Меѓутоа ретки се оние кои градот го посетиле во улога на туристи.
Поради својот специфична географска положба честопати е мета на мигрантите кои илегално сакаат да влезат во ЕУ, а поради оваа причина поставени се високи огради на границата помеѓу Мароко и Мелиља.
Сепак, оградите не можат да ги спречат очајните обиди на очајните луѓе кои бараат шанса за нов почеток, дури и по цена на губење на сопствениот живот.
Како изгледа животот во Мелиља провери екипата на „Јутјуб“ каналот „Yes Theory“, којашто помина 50 часа во овој невообичаен европски град на африканскиот континент.