Помина нешто повеќе од еден месец откако "Apple" ја лансираше новата серија телефони "iPhone 16". Многу клиенти веќе некое време ги користат новите уреди, а критиките доаѓаат секојдневно. Додека некои корисници се импресионирани од новите модели и карактеристики, други не се толку воодушевени.
Некои корисници тврдат дека не забележуваат значителни разлики помеѓу сериите на "iPhone 13, 14, 15" и новите модели од серијата 16. Во споредбите често доминира "iPhone 13 Pro Max", кој многумина сè уште го сметаат за еден од најдобрите "iPhone-и" досега.
Споредба на камерата на "iPhone 13 Pro Max" и "iPhone 16 Pro"
Тиктокерката Алекса Прего реши да ги спореди камерите на двата модели. Таа го сними истото видео користејќи "iPhone 13 Pro Max" и "iPhone 16 Pro". „13 Pro Max" беше мојот омилен толку долго време, но изгледа дека "iPhone 16" официјално го замени“, напиша таа во описот на видеото.
Мислењата под видеото беа различни, а корисниците беа поделени во два табора – некои беа за камерата, односно видеото снимено на "iPhone 16 Pro", додека други претпочитаа снимање од постариот "iPhone 13 Pro Max".
@alexapbeauty Replying to @zahrasamiii iphone 13pro max vs iphone 16 pro 😳 13pro max was my baby for so long but it looks like it’s officially been replaced by the 16 🙈 #iphone16pro #iphone #iphonecomparison #iphone13promax #iphonecamera ♬ original sound - Alexa Priego
„Снимката од "iPhone 16" изгледа поприродно“
Корисниците кои го фаворизираа "iPhone 13 Pro Max" беа гласни во своите пофалби за видеото од овој уред. „Секогаш велам дека "iPhone 13 Pro Max "е најдобриот "iPhone" досега“, напиша еден корисник,а неговиот коментар собра повеќе од три илјади лајкови и бројни одговори како поддршка.
„За мене "iPhone 13 Pro Max" е подобар за видеа“, „13 изгледа значително подобро во ова видео“, беа дел од коментарите на оние кои го преферираа квалитетот на постариот модел.
Од друга страна, љубителите на "iPhone 16 Pro" не се двоумеле да го кажат своето мислење за кадрите. „Не ме мразете, но снимките од 'iPhone 16 Pro" се подобри“, напиша едно лице, додека друго додаде: „Снимките од "iPhone 16" изгледаат поприродно“.
