[ВИДЕО] Американската пејачка Оливија Родриго во текот на настапот пропадна во дупка на бината

Додека трчаше да се поздрави со фановите, тргна кон средината на бината и падна во дупка која е наменета таа бргу да дојде и да замине од бината.

Но Оливија бргу се снајде и стана за да ги смири фановите и да им покаже дека е добро. Снимката од нејзиното паѓање бргу се прошири на социјалните мрежи, а на „Х“ има речиси четири милиони прегледи.

Обожавателите го коментираа нејзиното паѓање, а некои од нив велат дека бил забележан бизарен момент, додека други велат дека би плачеле и би останале во дупката доколку тоа им се случило ним.

Потсетуваме, оваа година Оливија Родриго имаше уште една непријатна ситуација на бината, кога во текот на настапот во Лондон ѝ се искина маичката.