Дали е тој таткото на Биткоин? Одговорот го дава "HBO"

Речиси двочасовниот филм, во режија на Кален Хобак, е опишан како истрага која патува низ светот за да ја реши една од најголемите мистерии на интернетот.

Сепак, Тод брзо го негираше тврдењето на платформата X (поранешен Твитер), отфрлајќи ја идејата дека тој е Накамото.

Документарецот прикажува разговор помеѓу Тод и Хобак во кој Тод се чини дека си поигрува со идејата, во еден момент тврдејќи дека е Накамото, само за да ја поткопа таа изјава во подоцнежните коментари.

Објавувањето на документарецот доведе до бран на критики на интернет, при што многумина од крипто заедницата ги доведуваат во прашање заклучоците на филмот. Некои тврдеа дека доказите презентирани во документарецот не се доволно силни за дефинитивно да го поврзат Тод со Накамото.

„Money Electric: The Bitcoin Mystery“ беше премиерно прикажан на "HBO" во вторникот вечерта. Хобак, познат по неговата претходна работа на документарната серија „Q: Into the Storm“, која ја истражуваше теоријата на заговор за "QAnon", е режисер на филмот.

Идентитетот на Сатоши Накамото е предмет на интензивна дебата откако креаторот на биткоинот исчезна во декември 2010 година. Некои проценки сугерираат дека, доколку е сè уште жив, Накамото може да контролира до 1,1 милион биткоини, во вредност од околу 68 милијарди долари. И покрај повеќе од една деценија шпекулации, Накамото остана анонимен, со теории кои се движат од поединец до група луѓе зад псевдонимот.

Режисерот Кален Хобак призна дека заклучоците од документарецот најверојатно ќе бидат контроверзни, наведувајќи дека „луѓето ќе се расправаат за тоа без разлика колку се силни нашите аргументи, и тоа е во ред. Таква е природата на овој простор“.

Дебатата за вистинскиот идентитет на Накамото продолжува, а забележливо е дека и покрај глобалните напори да се открие неговиот идентитет, фактот дека тој останал анонимен повеќе од 15 години сугерира дека Накамото најверојатно бил една личност.