Емануел Макрон сака да ја запре испораката на оружје
Францускиот претседател Емануел Макрон повика да се запре испораката на оружје за Израел што се користи во конфликтот во Газа.
- Мислам дека денеска приоритет е да се вратиме на политичко решение, да престанеме да снабдуваме оружје за борба во Газа. Франција не испорачува ништо – рече тој за време на специјалната програма на радио „Франс Интер“ посветена на Франкофонијата.
Францускиот претседател изрази жалење што ситуацијата во Газа не се смирува и покрај сите дипломатски напори направени за постигнување прекин на огнот, особено со Израел.
По започнувањето на израелската операција против проиранското исламистичко движење Хезболах во Либан, Емануел Макрон потсети и дека „приоритет е да се избегне ескалација“.
– Либанскиот народ не може да биде жртвуван за возврат и Либан не може да стане новата Газа – инсистираше Макрон.
