Приказната набрзо стана вирална на социјалните мрежи, а Алварадо ја презеде одговорноста за шегата и се извини. Тој рече дека немал намера да фрли петарда во прес-салата, туку да се пошегува со соиграчите
Шегата со петарда на крилниот напаѓач на мексикански Чивас, Роберто Алварадо (26) на клупската прес-конференција го предизвика револтот кај мексиканските новинари кои го оценија неговиот потег како несоодветен и во знак на протест ја напуштија прес-конференцијата. Алварадо наводно сакал да се пошегува фрлајќи петарда во прес-салата. Сепак, петардата погоди еден од камерманите во ногата.
„Неверојатно што се случи денес во Чивас. За речиси 15 години известување за тимот, ова никогаш не се случило. Тоа не беше шега“, напиша новинарката Карина Херера на социјалната платформа "Х".
Increíble lo que pasó hoy en Chivas, ojalá @Amauryvz tome cartas en el asunto, en casi 15 años que tengo cubriendo al equipo, JAMÁS habíamos pasado esto…!
— Karina Herrera 🦮 (@chapis_herrera) October 3, 2024
Eso NO fue una broma, como ellos lo argumentan. Tronaron un “barreno” en la puerta de la sala de prensa con todos dentro. pic.twitter.com/CzsjPl05qk
Приказната набрзо стана вирална на социјалните мрежи, а Алварадо ја презеде одговорноста за шегата и се извини. Тој рече дека немал намера да фрли петарда во прес-салата, туку да се пошегува со соиграчите.
По експлозијата на петардата, новинарите ја напуштиле просторијата, но дел од нив подоцна се вратиле за да продолжат со договорените активности. Сепак, сите остро ја осудија постапката на играчот.
Тренер на Чивас е поранешниот аргентински играч за врска Фернандо Гаго, кој во последно време се поврзува со Бока Јуниорс.
