„Среќен роденден драга Моника, со љубов, Тим“, напиша на Инстаграм Тим Бартон, нејзиниот партнер  споделувајќи ја насловната слика, која ја сподели и италијански Вог.

За Тим Бартон велат дека е најсреќниот човек на светот, но и таа е среќна покрај него бидејќи едноставно блеска со несмален интензитет, иако и времето не ја штеди. Која е тајната на совршениот изглед на една од најубавите жени на сите времиња?

Ако се согласила на некоја естетска корекција, тоа е направено толку добро што не се забележува. Сигурно наследила добра генетика, а Италијанките отсекогаш биле познати како расни убавици. Како изгледа диетата на Моника Белучи? Дали и таа сака тестенини, како сонародничката Софија Лорен, која исто така неодамна го прослави својот роденден, но деведесетти?

Седумдневната диета на Моника Белучи

На италијанската кујна тешко и се одолева, па Моника не крие дека ужива во традиционални јадења, како тестенини со пармезан. Јаде сè, претпочита разновидна исхрана, не си ги одрекува малите задоволства, а кога сака да ослабе едноставно ги намалува порциите. Стариот добар метод, често најефикасен.

Повеќето Италијанци не се грижат за калориите, иако правилото во таа земја е дека квалитетот е поважен од квантитетот. Затоа порциите се помали од, да речеме, во американските ресторани. Важно е храната, особено овошјето и зеленчукот, да бидат секогаш свежи, a на трпезата да има маслиново масло, сирење и добро вино. 

ПРВ ДЕН

Појадок: шолја кафе, неколку крекери со џем

Ручек: салата од свеж зеленчук со маслиново масло, парче леб од цело зрно, 150 грама бобинки

Вечера: шпагети со сирење, какво било овошје или зеленчук

ВТОР ДЕН

Појадок: јогурт, малку овошјe

Ручек: три пржени јајца (три белки и една жолчка), варени тиквички, парче леб од цело зрно

Вечера: 120 грама посно варено месо, салата од зеленчук или овошје

ТРЕТ ДЕН

Појадок: два тоста, овошје, шолја чај со парче лимон

Ручек: варени компири со маслиново масло и билки, сирење со малку маснотии

Вечера: шпагети со домати и зелен зеленчук, свежо овошје

ЧЕТВРТТИ ДЕН

Појадок: 200 грама јогурт со малку маснотии со една лажица корнфлекс

Ручек: 50 грама варен ориз, 100 грама варено говедско месо, 100 грама варени тиквички, бобинки

Вечера: 150 грама варена риба, салата од зеленчук со маслиново масло, грозје

ПЕТТИ ДЕН

Појадок: тост, 200 грама свежо исцеден сок

Ручек: шпагети со свежи билки, неколку коцки ананас

Вечера: салата од грав, варено јајце и кромид, парче хеба од цело зрно, овошје

Шестиот и седмиот ден повторете го менито од кое било од претходните.