Ако се прашувате дали Џереми Кларксон сè уште сака автомобили, одговорот е прилично јасен. Накратко, одговорот е: „Не“.
По 35 години тестирање и интензивно вклучување во следењето на автомобилската индустрија, Кларксон го губи својот ентузијазам. Тоа го потврди за време на забавата по повод емитувањето на последната епизода од "Grand Tour".
Одговарајќи на прашања од публиката, тој се обиде да објасни дека не може да идентификува 80 или 90 отсто од денешните модели.
„Не знам што се. Не ме ни интересира“, рече тој.
Кларксон смета дека постарите автомобили се подобри бидејќи, меѓу другото, се и значително полесни. Новиот "BMW M5" е најдобар пример за неговата гледна точка.
Возејќи по локални патишта, Хари Меткалф, друг страстен ентузијаст за автомобили, забележал дека е многу поудобно да се вози во стар и лесен автомобил.
"BMW M5" има значително поголема моќност од својот претходник, но во исто време е значително потежок поради вградувањето на хибриден погон.
