Филмот го режираше Али Абаси, а сценариото го напишаа Џенифер Стал и Габриел Шерман. Доналд Трамп го отелотвори Себастијан Стен додека неговиот ментор, адвокатот Рој Кон, го игра Џереми Стронг, најпознат по хит-серијата на „HBO“, „Succession“.

За што се работи во филмот?

Биографскиот филм „The Apprentice“ е сместен во 1970-те во Њујорк и ги прикажува раните денови од кариерата на Трамп. Како втор син во богато семејство, Трамп отсекогаш сонувал за успех, но почнал да ги остварува своите амбиции дури кога Рој Кон, њујоршки обвинител кој работел за сенаторот Џозеф Мекарти, го зел под своја закрила.

Филмот предизвика контроверзии бидејќи некои сцени го прикажуваат Трамп во негативно светло. На пример, во една сцена ја силува својата прва сопруга Ивана Трамп, додека во другите сцени можеме да го видиме како користи амфетамини и посетува пластичен хирург.

Поради контроверзната тематика, „The Apprentice“ не можеше да најде дистрибутер за прикажување на филмот во САД. Меѓутоа, правата за филмот ги откупи дистрибуциската компанија „Briarcliff Entertainment“ во седмиот месец.

Гледачите го споредуваат со „The Wolf of Wall Street“

Трејлерот за „The Apprentice“ доби главно позитивни реакции. Голем број гледачи на социјалните мрежи велат дека филмот ги потсетува на „The Wolf of Wall Street“.

„Ова ме потсетува на ситуацијата со „The Wolf of Wall Street“, кога ликот го прикажуваа како чудовиште, но многу луѓе ја пропуштија целата порака и почнаа да го идеализираат“, напишал еден гледач на Редит.

„Трејлерот има слична атмосфера како ‘The Wolf of Wall Street’“, напишал друг, додека трет додал: „Да, малку ме потсетува и на ‘Vice’“.

„Не можам да верувам дека ликот што го глумеше Томи Ли може да го игра Доналд Трамп. Секоја чест за кастинг директорот“, гласи уште еден од коментарите.

„The Apprentice“ ќе започне да се прикажува во кината на 11-ти октомври 2024 година.