Според Центрите за контрола и превенција на болести, околу 523 милиони луѓе имале некаква форма на кардиоваскуларни болести во 2020 година, а околу 19 милиони смртни случаи се припишуваат на тоа.
„Неколку навики можат да го зголемат ризикот од срцев удар, вклучувајќи пушење, нездрава исхрана, недостаток на физичка активност, прекумерно консумирање на алкохол, нерегулиран стрес, неконтролиран висок крвен притисок, холестерол и дијабетес. Пушењето е главен фактор на ризик како и нездравата исхрана, особено богата со заситени и трансмасти, преработена храна и натриум, може да придонесе за појава на срцеви заболувања“, предупредува кардиологот д-р Ригвед Тадвалкар.
Некои совети за намалување на ризикот од срцев удар се:
Редовни прегледи
Вежбање
Откажување од пушење
Усвојување здрава исхрана
Квалитетен одмор
Управување со стресот и грижа за менталното здравје.
Сепак, покрај овие добро познати совети, кардиолозите споделија и една необична навика, или нешто, што исто така може да го намали ризикот од кардиоваскуларни болести и срцев удар – поседување домашно милениче.
„Покрај познатите совети за исхрана и вежбање, можеби ќе се изненадите кога ќе дознаете дека посвојувањето и грижата за домашно милениче може да го намали и ризикот од срцеви заболувања“, истакнува кардиологот д-р Џејн Морган.
Кардиологот д-р Леонард Планко додава: „Чувањето куче може да го подобри здравјето на срцето со намалување на стресот и зголемување на нивото на активност и фитнес. Сопствениците на кучиња често се дружат со други сопственици на домашни миленици, што исто така има корист за здравјето на срцето.
Други неочекувани методи за намалување на ризикот од срцев удар вклучуваат:
Танцување
Брзи прошетки
Престој на отворено.
