Според тврдењата на изворот близок до парот, Џенифер сакала да разговара со Дејмон во врска со Бен. Инаку Бен и Мет се добри пријатели, а познато е дека Мет бил против неговото помирување со Џеј Ло како и нивната венчавка.

„Мет Дејмон го задуши секој обид на Џеј Ло да разговараат околу Бен на премиерата на филмот“, изјави извор за „Дејли Меил“ и додаде: „Беше многу непријатен момент бидејќи таа знаеше дека ако го повика Мет на страна за да разговараат на таков настан, тоа ќе предизвика големо внимание и ќе стане вирално“. „Мет ѝ кажа дека му е мило што таа е добро и ѝ се заблагодари за нејзиното учество во филмот, но јасно и кажа дека не е тука за да разговараат околу Бен“, објасни изворот.

Одмазднички фустан

Потсетуваме, актерката и пејачка, Џенифер Лопез, прошета на црвениот килим во Торонто, облечена во „одмазднички“ фустан којшто ја „крена температурата“ кај сите присутни. Инаку таа присуствуваше на премиерата на филмот „Unstoppable“, а кога се појави со овој фустан веќе никого не го интересираше филмот.

Станува збор за „диско фустан“ со црни панделки од страните, којшто беше речиси без рабови, а исто така можеше да се забележи дека Џеј Ло не носела ниту долна облека.

Таа самоуверено позираше пред фотографите свесна за својот атрактивен изглед. Нејзините фотографии набргу станаа вирални, а фановите коментираат дека со ова свое издание Џеј Ло му испратила пораката „Гледај што изгуби“ на Афлек.