Момче кое случајно скрши ретка амфора стара 3.500 години, се врати со семејството во музејот „Хехт“ во израелскиот град Хаифа за да види како се обновува овој археолошки артефакт.
Иако би се очекувало на некој што скршил таков артефакт да му биде забранет во музејот доживотно, сепак на четиригодишното момче му било дозволено да се врати од музејот „Хехт“ една недела по несреќата, објави „Гардијан“.
„Тоа беше само мал момент на невнимание“, рекла мајката на момчето кое случајно скршило древен бокал во кој се чувало вино или масло.
За момент го тргнала погледот, а малиот Ариел случајно ја превртел амфората од бронзеното време, која паднала на подот и се распарчила. Можела само да го види малото момче како шокирано стои над скршениот сад.
Една недела по несреќата, момчето се вратило во музејот со семејството, чии вработени и кустоси му простиле за невниманието, а Ариел на музејот му донел глинена вазна што сам ја направил.
