Претседателот на СДСМ, Венко Филипче, вели дека претходната Влада згрешила што ги донела измените на кривичниот законик со кој застаруваат предметите за злоупотреби од страна на функционерите.
Филипче вели дека СДСМ сега оди чекор натаму да ја исправи грешката и бара од Владата да усвои нов закон што веќе го имале изготвено.
„Има изготвен нов кривичен законик во 2017 година од тогашната министерка Десковска. Тој е готов, завршен. Апелирам Владата да го стави на јавна расправа. Тој нов кривичен зкон е направен во координацја со меѓународните институции, по теркот на кривичниот законик во Германија. Да се вклучи стручната фела и заедно со консензус да донесеме нов кривичен закон“, рече Филипче.
Прашан од новинарите зошто кога веќе имало нов закон од 2017. не бил донесен, туку се изгласаа нови измени со кои застаруваат делата за корумпираните фунционери, Филипче не знаеше да одговори.
Пратениците лани за еден ден со европско знаменце ги донесоа измените на Кривичниот законик со кои се намалува предвидената затворска казна за злоупотреба на службена положба. Oпозицијата тогаш ги осуди законските измени, оценувајќи ги како обид на Владата да ги заштити своите функционери од потенцијално кривично гонење, во услови на зголемени критики за корупција. Експремиерот Ковчевски тврдеше дека измените се усвоени со цел да се помогне во зголемувањето на ефективноста и ефикасноста на правосудниот систем.
