Речиси 2.000 тела се откриени на локацијата предвидена за изградба на пензионерски дом во Нирнберг, Германија. Археолозите веруваат дека тоа е најголемата масовна гробница на жртви од чума во Германија, а можеби и Европа.
Гробницата, како што веќе пишувал Телеграф Наука, е откриена во март, но сега се објавени најновите фотографии од локацијата. Самите фотографии од скелети во најневеројатните положби ја замрзнуваат крвта во вените.
Градскиот археолог од Нирнберг, Мелани Лангберг, навела дека во заедничката јама од 1632 и 1633 година, жртвите биле закопувани заедно – некои биле ставени една врз друга во покривки, некои едноставно биле фрлени, пренел Fraenkischer Tag. Во времето на првите ископувања во март, експертите рекле дека биле откриени осум различни гробници, кои можат да се поделат во две групи. Некои луѓе биле закопани во седечка положба, некои биле ставени да лежат на грб или на страна. Меѓу нивните тела се пронајдени останки од бебиња и деца.
Епидемијата на чума во Нирнберг е забележана во 1553, 1563 и 1632/3.
