Пред нас е уште еден сончев и топол ден, а ваквото време ќе продолжи и за време на викендот. Максималната температура ќе биде од 36 до 40 степени.
Со оглед на тоа колку многу температурите ги истоштуваат луѓето, уште полошо е за животните, кои очајно бараат сенка, но и вода за пиење.
На ова видео можете да видите како жеден еж пие вода во шише, а се огласил и авторот на овој клип.
„Бог нека им помогне на добрите луѓе! Јас сум момчето од видеото, поточно момчето кое даде вода на оваа жедна, слатка душа. Видеото го објавив на „ТикТок“, чисто онака, не за да се пофалам, ниту нешто слично, туку едноставно така. Немав поим дека видеото ќе достигне прегледи од овие размери. Следете го мојот пример и примерот на многу други. Помогнете кому можете, како на луѓето, така и на животните. Бог со добро да ве дарува“, напишал тој под видеото.
