Дупката проголтала дури и еден од рефлекторите на стадионот, а настанала поради "рушење на рудник длабоко под земја".
Големата дупка, широка 30 метри и длабока речиси 10 метри, во средата проголтала дел од фудбалско игралиште во американскиот град Алтона во Илиноис.
Дупката проголтала дури и еден од рефлекторите на стадионот, а настанала поради "рушење на рудник длабоко под земја".
Компанија за градежни материјали рекла дека подземниот рудник се урнал во околу 10 часот во градскиот парк "Гордон Мур". Службениците од локалните паркови и службите за рекреација проценуваат дека дупката е широка 30 метри и длабока 10 метри.
Во моментов паркот е затворен, додека експертите ја испитуваат штетата и планираат поправки. Некои настани се откажани.
Гувернерот на Илиноис ЏБ Прицкер ја повикал Канцеларијата за безбедност на рудниците да го истражи рушењето.
„Жителите во округот Медисон заслужуваат темелна и добро комуницирана истрага за овој инцидент, за да се забрза нивното враќање во нормала“, рекол Прицкер во четвртокот.
