Почнувајќи од 26, па сè до 30 јуни, Скопје повторно ќе биде центар на традиционалното кулинарско уживање.
Локацијата останува иста – паркингот на „Театар Комедија“, со почеток во 17:00 часот за време на работната недела и во 13 часот за време на викендот, едно сме сигурни – никој нема да си оди гладен:).
Вкупно 16 изложувачи на храна ќе му понудат на Скопје исклучителна „улична храна“: Jojo’s BBQ, Oljo’s, Fat Kitchen, MUSTACAOS, Taco’s Jam Mexican Street Food, Scoop Artisan Gelato, Радост|Radost, BubbleWafle’s Skopje, Sweet Corner, DREN, Бистро Комедија, Jes Pasta, M’s Street Food, Healtyish, 23 Mama & Dominos.
„Одговорни за забава ќе бидат бендовите и DJ-ите – сигурни сме дека ќе биде супер! Фестивалот ќе го отворат дечките од Funky Fresh комуната, добро познатите DJ Гоце и DJ Чваре, па продолжуваме со Flooder, во четврток ги слушаме Day Off The Next Generation – па го слушаме Double G, a во петок ги слушаме D.N.O – па продолжуваме со Bazel. Викендот е резервиран за South Park и Koko & In the Mood и Vaso“, велат организаторите.
Оттаму додаваат дека музиката на главната бина ќе трае до 23 часот, а потоа забавата продолжува на терасата на Бистро Комедија до 1 часот по полноќ.
На фестивалот ќе биде организирана и отворена и интереактивна работилница предводена од технолог по месо и месни преработки, Филип Илиевски. Тој в петок (28 јуни) од 19 до 20 часот ќе презентира како најдобро се изработува колбас во домашни услови.
„Влезот е бесплатен, добредојдени сте сите, соберете ја екипата, семејството, партнерот или пак дојдете сами – ние сме таму, ќе биде вкусно по сите параметри! Предлагаме и претпочитуваме да ни дојдете со алтернативен или јавен превоз, така е повкусна храната, не губите време барајќи паркинг место и може да се испие и некоја пијачка плус“, апелираат организаторите.
За повеќе информации (задолжително) следете го Инстаграм профилот на Skopje Street Food Festival.
