Паметните автомобили не се толку лоша работа – освен кога не се толку „паметни“.
Токму тоа му се случило на кинескиот модел "Li Auto L9", кој беше „измамен“ на неочекуван начин на автопат во родната земја.
Овој теренец, имено, има сензори врз основа на кои би требало да реагира во непредвидени околности и на тој начин да ја заштити безбедноста на своите патници, но во овој случај неправилно реагирал на билборд над патот.
Овој билборд прикажува две комбиња кои се рекламираат, но технологијата во "Li Auto L9" помислила дека тоа се вистински возила, што го активирало системот за автоматско сопирање за итни случаи (AEB).
Поради активирање на "AEB", теренецот нагло закочил на сред пат со брзина од 77 km/h, а возачот едвај успеал да избегне судир со оградата. Друг автомобил сепак удрил во "L9" , но немало поголема штета.
Ваквите работи не се невообичаени кога станува збор за возила со полуавтономна асистенција на возачот, но сепак ретко се случува да бидат збунети од билборд. Како и да е, доброто е што никој не бил повреден.
Edge case for vision-based ADAS? A brand-new LI Auto L9 run on ADAS mistakes the vehicle image in the overhead billboard as an actual stationary vehicle in the lane, resulting AEB to kick in, then hit by a vehicle coming from behind. pic.twitter.com/6ZiCbfV0eH
— Ray (@ray4tesla) May 10, 2024
