На бувјак купила прстен за „ситно“, а три децении подоцна одлучила да го продаде: Заработила 500.000 евра

Сигурно барем еднаш во животот сте отишле на бувјак за да ја разгледате понудената роба, очекувајќи дека ќе пронајдете нешто интересно или вредно.

Истото го мислела и Британката Дебра Годар кога пред 33 години ги посетила тезгите и пронашла убав прстен кој и бил понуден за десетина евра. Цената не била значајна, па одлучила да го купи.

Жената прстенот го оставила во фиока и целосно заборавила на него, но кога нејзината мајка влегла во финансиски проблеми во 2019-та година, одлучила да посети златар и да го продаде.

Се надевала дека ќе добие барем 500 евра, а тогаш го доживеала шокот на животот. Дознала дека цело време во посед има дијамантски прстен од 26,27 карати.

„Златарот за малку ќе се онесвестеше. Ме праша: Дали знаете што е ова? Цела ноќ останав будна и размислував што да направам“, рекла Дебра.

На крајот одлучила да го однесе прстенот во славната аукциска куќа „Sothebys“ каде неговата вредност била потврдена, пренесува „The Sun“.

Набрзо била организирана аукција, а дијамантскиот прстен е продаден за 500.000 евра.

„Оваа приказна е најблиску до онаа на Дел Бој и Родни од серијата „Only Fools And Horses“. Во ова време следната година ќе бидеме милионери“, рекла Британката.

Дебра и денеска живее во западен Лондон, а се труди постојано да и помага на својата мајка.

„Ги минала празниците на Барбадос, го виде Том Џонс, но и Селин Дион во Лас Вегас. И купив и бунда. Парите не ми се важни“, истакнала таа.

Жената во меѓувреме основала компанија за продажба на винтиџ накит и напишала книга за својот живот.

„Волонтирам во добротворна организација за деца кои побегнале од дома. Ако оваа книга заработи пари, ќе им ги донирам нив“, заклучила таа.