Наликува на Венера, температурите се како на Земјата: Откриена е најблиската со можни услови за живот

Точка

25/05/2024

15:30

12.717

Големина на фонт

а а а

Планетата, наречена Gliese12b, има температури слични на Земјата, по големина е слична на Венера и е оддалечена само 40 светлосни години, што ја прави најблиската населива егзопланета досега откриена. Тоа беше објавено од Кралското астрономско друштво, а пренесено од „EurekAlert!“.

 Gliese 12b е малку помала од Земјата и има проценета температура на површината од 42 Целзиусови степени, што е пониско од повеќето од 5.000 егзопланети откриени досега. Орбитира околу својата ѕвезда, ладно црвено џуџе, за 12,8 дена.

Она што е клучно, се вели во соопштението, е сега да се открие дали планетата има атмосфера. Покрај тоа, наведуваат тие, може да има атмосфера слична на онаа на Земјата, слична на онаа на Венера, каде температурите се околу 400 степени, да биде без атмосфера или да има атмосфера каква што ја немаме во Сончевиот систем.


Одговорот на прашањето за постоењето на атмосфера е клучен за да се утврди дали Gliese12b има температури на кои може да постои течна вода, а со тоа и живот, но и како Венера и Земјата се развиле толку различно.

 Gliese 12b не е првата откриена егзопланета слична на Земјата, соопшти НАСА, но има многу малку планети кои заслужуваат поблиска проверка. Се вели дека е „најблиската, најумерената планета слична на Земјата досега лоцирана“ и треба дополнително да се истражува од вселенскиот телескоп Џејмс Веб.


Најблиската егзопланета слична на Земјата, а веројатно и најпознатата, е Проксима Кентаур б, која е оддалечена само 4,2 светлосни години. Меѓутоа, бидејќи нејзината орбита околу ѕвездата не може да се види, не може да се утврди дали има атмосфера и можни услови за живот.

„Gliese 12b е една од најдобрите цели за проучување дали планетите слични на Земјата кои орбитираат околу студени ѕвезди можат да ја задржат атмосферата. Тоа е клучен чекор за разбирање на погодноста на планетите во нашата галаксија“ изјави Шишир Долакија, докторанд во Центарот за астрофизика на Универзитетот во Јужен Квинсленд во Австралија.


Големината на ѕвездата Gliese 12 е само 27 отсто од големината на Сонцето, а температурата на нејзината површина е 60 отсто од температурата на нашата ѕвезда, според студијата.




Спонзорирани линкови

Маркетинг