Монт Еверест е најпознатата дестинација за планинарите кои доаѓаат од целиот свет. Секој сака да го освои највисокиот врв на светот и покрај тоа што за многумина тоа не е лесно, ниту изводливо. Но, некои алпинисти беа принудени да ја одложат својата авантура за некое време.
Имено, иако нема автомобили, сообраќајниот метеж може да се случи и на Монт Еверест – а кога ќе се случи, веќе напорната рута станува уште поопасна.
Видеата што кружат на TikTok покажуваат долга редица луѓе кои се качуваат кон врвот на ниски температури. Ова обично се случува за време на „краток период на идеални временски услови кога успешното достигнување на врвот е помалку опасно“.
Двајца алпинисти и нивните водичи исчезнаа, а за жал тој број може да се зголеми.
„Сакам авантура, но ова е премногу“, напиша една личност во коментарот.
Гужви како оваа се вообичаени, со оглед на временските услови и бројот на луѓе кои се обидуваат да се искачат на планината. Слична ситуација се случи и во 2019 година, кога стотици луѓе чекаа на ред.
„Не можам да верувам што видов таму горе. Смрт. Масакр. Хаос. Мртви тела на патеката и во шаторите. Луѓе кои се обидов да ги убедам да не одат, а кои завршија мртви. Видов луѓе како ги влечат назад. Одат преку телата. Сè што ќе прочитате во сензационалните наслови се случи на врвот“, напиша Илија Сајкаљ, канадски снимател, во објавата на „Инстаграм“ (во меѓувреме е избришана).
