Виолетовата боја завладеа со модниот свет, ентериерите, екстериерите... малку виолетова е секаде добредојдена.
Се чини дека потемните нијанси на виолетова боја се како создадени за постудените денови од годината, а на пролет и лето нè привлекуваат посветли нијанси на оваа женствена, енергична боја.
А балконот е совршено место кое можеме да го украсиме во виолетова боја, без разлика дали се работи за цвеќиња, украсни детали или мебел. Виолетовите петунии или сардели ќе бидат непогрешлив избор кога се во прашање балконските цветови, а прекрасно изгледаат и виолетовите саксии.
На големите љубители на виолетова боја може да им се допадне и идејата да го обојат ѕидот на балконот во оваа нијанса, да го заштитат од љубопитните погледи со виолетова завеса или да вметнат некој друг поголем детаљ во оваа обожувана боја во нивните неколку квадратни метри надворешен простор.
Виолетовата боја одлично се вклопува со зелената, па зеленилото на растенијата ќе ја „смири“ живописната виолетова, а контрастот на овие две бои ќе го претвори вашиот балкон во прекраснa и смирувачка оаза на отворено.
Во фотографиите во продолжение пронајдете инспирација за украсување и уверете се дека на секој балкон му треба барем малку виолетова боја.
