Џенифер Анистон беше видена минатиот месец како ја напушта ординацијата на познат пластичен хирург во Конектикат, а клиниката е специјализирана за подигнување на лице и операции на носот, но воедно нуди и ботокс и слични третмани за подмладување.
Не е познато зошто актерката посетила пластичен хирург, но сè погласни се шпекулациите дека таа направила многу на своето лице.
Анистон, сепак, упорно ги негира гласините за естетските интервенции, а само призна дека го оперирала носот пред околу 15 години. „Тоа е најдоброто нешто што некогаш сум го направила. Што се однесува до другите гласини, сè на мене е мое. Навистина сè. Многу сум среќна со она што ми го дал Бог“, изјави таа во 2017 година.
Но, јасно е дека Џен пронашла начин како да го забави стареењето, бидејќи на 55 години изгледа исто како кога имаше 40. Познатиот американски пластичен хирург д-р Џастин Харпер неодамна го коментираше изгледот на холивудската актерка, велејќи дека таа спаѓа во редот на ѕвезди кои изгледаат „преполно“.
„Кога Џенифер Анистон беше млада, имаше многу назолабијални брчки на лицето. Сега ги нема, но затоа таа ја има оваа чудна, по малку мажествена средина на лицето. Ако ме прашавте пред 5 или 3 години за нејзиното лице, би рекол „фантастична работа“, но сега...“, признал д-р Харпер за „The Sun US“.
Пластичниот хирург ги споредил сегашните фотографии на Анистон со оние од минатото - тој тврди дека забележал дека нејзините усни сега се пошироки отколку што биле, а тоа е затоа што веројатно била подложена на лоша техника на пополнување на усните која порано сите ја правеле.
Д-р Харпер, исто така, додава дека во пределот околу нејзината уста има „општо израмнување“ за кое верува дека е предизвикано од голем назолабијален филер, за кој смета дека прави Џенифер да изгледа „мажествено“.
„Доколку ѝ го покриете целиот горен дел од лицето и ја отстраните косата, а остатокот го вметнете на лицето на Дејвид Бекам или на некој друг, тој среден дел би изгледал потполно исто“, рекол докторот. Тој исто така додава дека кога актерката се смее, на образите ѝ се појавуваат големи испакнатини, кои ги нарекува „образи на верверица“, што е доказ дека овој дел од лицето го пополнила со филери.
Истиот хирург претходно спомена дека Тејлор Свифт, Марго Роби и Хејли Бибер исто така „отишле под нож“ и направиле полнење на назолабијалните брчки што придонесува за специфичен вештачки изглед на лицето.
