Исхраната на жителите на Окинава има бројни здравствени предности, а тоа го покажува и фактот што Јапонците имаат најниска стапка на гојазност и втор најдолг животен век во светот.

Окинава се вбројува меѓу една од петте сини зони, што е назив за место со најголема концентрација на стогодишници.

Исхраната на жителите на Окинава е основана на риба, морски плодови и тофу. Со оглед на тоа што акцентот се става на свежата риба и сојата, жителите внесуваат многу малку заситени масти.

Антиоксидантите од морските треви и слaткиот компир помагаат во регулирање на шеќерoт во крвта и придонесуваат во здравјето на дигестивниот систем.

Порциите кои ги јадат тамошните жители се многу мали, што значи дека тие вообичаено внесуваат и малку калории.

Клучни намирници во исхраната на жителите на Окинава се:

- риба;
- морски плодови;
- сладок компир;
- алги;
- морска трева;
- диња;
- соја;
- ориз.

Треба да нагласиме дека жителите на Окинава водат активен животен стил, редовно се изложуваат на сончева светлина, а тоа може да придонесе во нивниот долг животен век.